स्थानीय द्धारा बुढिगंगा नगरपालिकाको कार्यालयमा ताला बन्दी

बाजुरा : जिल्लाको बुढीगंगा नगरपालिकाको कार्यालयमा तालाबन्दी गरेको छ । आईतबार स्थानीयले कार्यालयबाट प्रदान गरिने सेवा सुविधा पालिकाले करिब पाँच महिनासम्म अवरोध गरेको भन्दै नगरपालिकाको कार्यालयमा तालाबन्दी गरेको हो ।

कार्तिक महिनादेखि हालसम्म कार्यायबाट नागरिकलाई दिइने सेवा प्रदान नगरेको र जसका कारण नागरिकलाई पर्न गएको समस्यालाई करिब ४÷५ महिनासम्म पनि कुनै वास्ता नभएपछि स्थानीयले बाध्य भएर तालाबन्दी गर्नु परेको टिका थापाले बताएका छन् ।
बिज्ञापन

प्रमुख प्रशासकीय अधिकृत विहीन पालिका बनेको करिब तीन महिना पुगेको छ, आर्थिक कारोबार ठप्प छ, जसले गर्दा नागरिकलाई खेप्नु परेको समस्याको कुनै पनि वास्ता नगरेपछि सबै स्थानीय मिलेर कार्यालयमा ताला लगाएको स्थानीय शुसिला मिजारले बताएकी छन् ।

कार्यालयमा प्रमुख प्रशासकीय अधिकृत यथासिग्र व्यवस्थापन गरी आर्थिक कारोबार तुरुन्त सुचारु गर्नु पर्ने मागसहित कार्यालयमा ताला लगाएको उनले बताइन् । प्रशासकीय अधिकृत नहुँदा समाजिक सुरक्षा भत्ता समेत नगरिकले पाएका छैनन्, शिक्षकले ४ महिनासम्म तलब खान पाएका छैन्, कर्मचारीले पनि तलब खान पाएका छैनन् यस्तो समस्या हुँदा हुदै पनि हालसम्म कार्यकारी ल्याउने सुरशार नभएको भन्दै ल्याउन मागसहित तालाबन्दी गरेको उनको भनाई छ ।

नगरपालिका भित्र विभिन्न ठाउँमा भएका योजनाको काम नागरिकले सम्मपन्न गरेर कार्यपालिकामा कागजात बुझाएको दुई महिना हुँदासम्म पनि काम गरेको ज्वाला नपाउँदा स्थानीय मारमा परेका छन् । पुस महिनामै काम सकेर नगरपालिकामा कागजात बुझाएका थियौं तर काम सम्पन्न गरेको लामो समयसम्म पनि योजनाको भुक्तानी नहुँदा मजदुर समस्या परेको स्थानीय टिका थापाले बताएका छन् ।

सामाजिक सुरक्षा भत्ता समयमा वितरण गर्नु पर्ने, शिक्षक कर्मचारीको तलब समयमा उपलब्ध गरिनु पर्ने र निमार्ण कार्य सम्पन्न गरिएका योजनाको रकम नियमानुसार भुक्तानी गर्नु पर्ने माग स्थानीयको छ ।

त्यस्तै निर्वाचनको कार्यालय स्थापनाका लागि सर्वदलीय सर्वपक्षीय र कार्यपालिकाको बैठकबाट कार्यालय स्थापनाको निर्णय गर्नु पर्ने, प्रमुख प्रशासकीय अधिकृत कार्यालयमा यथासिग्र व्यवस्था गरीसक्नु पर्ने, नगर प्रमुख र उपप्रमुखले जनताको भावना अनुरुप कार्य गर्नु पर्ने र समयमा कर्मचारीहरु कार्यालयमा उपस्थित भई जनताका सेवामा खटिनु पर्ने लगायतका माग उनीहरुको रहेका छन् । भने बमोजिमका माग पूरा नभए पालिकाका सबै वडाहरुमा ताला लगाउने र आन्दोलन गर्ने समेत चेतावती दिएका छन् ।

बुढीगंगा नगरपालिका उपप्रमुख तारा खातीले कार्यकारीका लागि धेरै पटक मन्त्रालयमा पहँल गर्दा पनि अहिलेसम्म टुङ्गो लाग्न नसकेको बताइन् । लामो समयसम्म जनतालाई दिने सेवामा अवरोध भएको बताउँदै स्थानीयले ताला लगाउँनु स्वाभाविक भएको खातीले स्वीकार गरिन् ।

स्थानीयले ताला लगाएको भन्ने भनेर भर्खर सूचना प्राप्त गरिकी छु, आफू कामका शिलसीलामा कार्यपालिकाको कार्यालय बाहिर रहेकाले भोली स्थानीयका मागका विषयमा छलफल गर्ने बताएकी छन् ।

कार्यकारीका ल्याउने भनेर मेयर दिपक विक्रम शाह गएका हुन् तर कार्यकारी नल्याएरै आफू यूरोप घुम्न गएका खातीले बताइन् । जनताको समस्याको मध्येनजर नगरी शाह भने यूरोप गएका छन् ।