धनगढीमा भोलिदेखि लिटल फ्लावर प्रिमियर लिग, ट्रफी सार्वजनिक

धनगढी : धनगढी मेयर लिटिल फ्लावर प्रीमियर लिग एलपीएल–६ को ट्रफी सार्वजनिक गरिएको छ। धनगढी उपमहानगरपालिका मेयर नृपबहादुर वडले एलपीएल–६ को ट्रफी सार्वजनिक गरेका हुन्। फागुन २ गतेदेखि १४ गतेसम्म धनगढीस्थित संघीय प्रहरीको खेल मैदानमा आयोजना हुने एलपीएल–६ को सम्पूर्ण तयारी समेत पूरा भएको आयोजक लिटिल फ्लावर स्पोर्ट्स एण्ड इभेन्टसका प्रमुख कार्याकारी निर्देशक रामचन्द्र शाहीले जानकारी दिए।

प्रतियोगितामा सहभागी १० विद्यालय टिमलाई समूह ‘ए’ र ‘बी’ गरी दुई समूहमा विभाजन गरिएको छ। जसअनुसार समूह ‘ए’ मा हिमालयन ह्वाइट हाउस वर्ल्ड स्कुल काठ्माडौँ, सैनिक आवासीय महाविद्यालय तेघरी कैलाली, होलील्यान्ड इङ्लिस बोर्डिङ स्कुल अत्तरिया, शारदा सरस्वती सेकेन्डरी दोधारा चाँदनी कञ्चनपुर र एभरेस्ट एकेडेमी अत्तरिया कैलाली रहेका छन्।

यसैगरी समूह ‘बी’ मा आयोजक लिटल फ्लावर बोर्डिङ हाइस्कुल धनगढी, गुरुकुल इङ्लिस लम्की, स्टेपिङ्ग स्टोनह धनगढी, विद्या भूषण पब्लिक स्कुल र सत्यवती एकेडेमी अत्तरिया रहेका छन्। यस्तै भोलिहुने उद्घाटन खेलमा पाँचौँ संस्करणको उपविजेता तथा आयोजक लिटल फ्लावर बोर्डिङ हाई स्कुल धनगढी र सत्यवती एकेडेमी अत्तरिया भिड्ने छन्। प्रतियोगितामा विजेताले १ लाख ५० हजार र उप–विजेताले ७५ हजार नगदसहित ट्रफी, मेडल र प्रमाण प्राप्त गर्नेछ।