नेपोली र इन्टरको बराबरी

आइतबार, फागुन १, २०७८ एजेन्सी – इटालियन सिरी ‘ए’ मा शीर्ष दौडमा रहेको इन्टर मिलान र नेपोलीले बराबरी खेल्दै अंक बाँडेका छन् । नेपोली र इन्टरले १–१ गोलको बराबरी खेलेको हो ।स्टेडियो डिएगो अर्मान्डो म्याराडोना स्टेडियममा शनिबार राति भएको खेलमा घरेलु टोलीले अग्रता लिएपनि त्यसलाई जोगाउन नसक्दा बराबरीमा रोकिन बाध्य बन्यो । सातौ मिनेटमा लोरेन्जो इन्सिग्नेको पेनाल्टी गोलबाट नेपोलीले १–० को अग्रता लिएको थियो ।

स्टेफन डि भर्जले पेनाल्टी बक्समा भिक्टर ओसिमहेनलाई फउल गरेपछि रेफ्रीले भिएआरको सहायता लिदै नेपोलीलाई पेनाल्टी प्रदान गरेको थियो ।

दोस्रो हाफको शुरुमै इडेन जेकोले गोल गर्दै खेललाई १–१ गोलको बराबरीमा ल्याए । लोउटारो मार्टिनेजको क्रसमा जेको हेडरलाई क्लियर गर्न नसक्दा जेकोका प्रहार क्रसबारमा लाग्दै गोलमा परिणत भएको थियो । त्यसपछि थप गोल निस्कन नसक्दा खेल बराबरीमा टुंगियो ।

यो बराबरीसँगै इन्टर २४ खेलबाट ५४ अंक जोडेर शीर्षस्थानमा रहेको छ । एक खेल बढी खेलेको नेपोली ५३ अंक जोडेर दोस्रो स्थानमा उक्लिएको छ । तेस्रो स्थानको एसी मिलानको ५२ अंक छ ।