बडीमालिका खबरको तिन बसन्त पुरा, राहत सहयोग गरि मनाईयो बार्षिक उत्सव

बाजुरा– बडीमालिका मिडिया हाउसले आफ्ना तिन बसन्त पुरा गरेको छ । तिन बर्षदेखि जिल्लामा संचालित बडीमालिका मिडिया हाउसले नगद र खाद्यान्न सहयोग गरी आफ्नो बार्षिक उत्सव मनाईएको हो । बुधबार एक औपचारिक कार्यक्रमको आयोजना गरी बार्षिक उत्सवको अबसरमा बिपन्न तथा व्यसाहारा बालबालिकालाई आर्थिक तथा खाद्यन्न सहयोग गरेको छ । बडीमालिका मिडिया हाउसले तिन बर्ष सम्म गरेका क्रियाकलाप र चुनौतिको सामना गर्दै आफ्नो तिन बर्षलाई पार गरी चार बर्षमा प्रवेश गरेको उपलक्ष्यमा विपन्न परिवार र व्यसाहारा बालबालिकाहरुलाई सहयोग गरेका छन् । शुभकामना मन्तब्य दिदै संघिय साँसद लाल बहादुर थापाले बिगतका तिन बर्षमा बडीमालिका मिडिया हाउसले समाज रुपान्तरणको संवाहकका रुपमा कलम चलाएको प्रति आभार व्यक्त गरे । बडिमालिका मिडिया हाउसको शुभकामना दिने वक्ताहरुले मिडिया हाउसले सूचना र समाचार मात्र सम्प्रेषण गर्ने काम संगै समाज सेवामा गरेको योगदान को उच्च मुल्याङ्कन आफ्नो शुभकामना दिएका दिए । मिडिया हाउसका प्रकाशक सम्पादक प्रकाश सिंहको अध्यक्षतामा संचालन भएको कार्यक्रममा संघियसांसद लाल बहादुर थापा प्रमुख अतिथी रहेको थिए । त्यस्तै बिशिष्ट अथिती नेकपा एमाले बाजुराका पाटी सचिव भरत थापा , नेपाली काँग्रेसका बडीमालिका नगरपालिकाका नगर सभापती गोपाल कार्की रहेका थिए । त्यस्तै कार्यक्रममा नेकपा एमाले जिल्ला कमिटी सदस्य कासी विक , अम्मर खड्का र बडिमालिका नगरपालिका वडा नम्मर ७ का वडा अध्यक्ष धर्म पाध्याय लगाएत अथिती थिए । मिडियाका कार्यकारी सम्पादक लक्ष्मीराज पाध्यायले स्वागत मन्तव्य राख्नु भएको कार्यक्रमको संचालन सम्पादक पदम सिंहले गरेका थिए ।