धनगढीमा किन खोलियो कण्डम र यौन खेलौना पाइने पसल ? यसो भन्छन् सञ्चालक

धनगढी– धनगढीमा ‘कण्डम हाउस एण्ड सेक्स टोय सप’को उद्घाटन गरिएको छ। धनगढी उप–महानगरपालिका वडा नम्ब २ ट्राफिक चौराह नजिक सेक्स टोयको सोमबार व्यवसायी गोपाल हमालले उद्घाटन गरेका हुन्।
काठमाडौं उपत्यकासहित विभिन्न सहरमा हरेक वर्ष कण्डम र यौन खेलौनाको व्यापार बढ्दै गएपछि धनगढीमा पनि १५ लाखको लगानीमा व्यवसाय सञ्चालन गरिएको सञ्चालक राजेश खतिवडाले बताए। उनले भने, ‘श्रीमान विदेशमा हुँदा श्रीमतीले अर्को बिहे गरेका तथा बलात्कारका घटनाहरु धेरै भएका सुनिन्छ। मानिसहरु सेक्सलाई लुकाउँछन। तर सबैका लागि सेक्स चाहिन्छ। सक्सका लागि साथी नभएकाहरुका लागि यौन खेलौना आवश्यक हुन्छ।’ बलात्कार जस्तै यौन हिंसाका घटनामा कमी ल्याउने उदेश्य आफ्नो रहेको उनले बताए।

धनगढी कण्डम हाउस सुदूरपश्चिम प्रदेशकै पहिलो हो। सपमा निःशुल्क यौन सम्बन्धी परामर्शसमेत दिइने बताइएको छ। ‘ग्रामीण क्षेत्रमा यौनका कुरा गर्न असहज मानिएको भएपनि सहरी क्षेत्रमा यसलाई सहज रुपमा लिन थालेको छ। यौनमा मानिसहरु खुल्न थालेका छन्। हामीलाई आशा छ धनगढीमा पनि सेक्स टोयको व्यवसाय राम्रो हुने छ,’ खतिवडाले भने।

कण्डमका विभिन्न भेराइटीहरुसँगै यौन खेलौनाका पनि विभिन्न सामग्रीहरु सपमा पाइने सञ्चालक खतिवडाले बताए। सपमा भेजिना, फुलबडीदेखि महिलाहरुका लागि विभिन्न साइजका लिंग र भाइब्रेटर लिंगहरु पाइन्छन्।