रामचन्द्र पौडेल भन्छन्ः प्रचण्ड र माधव नेपालले एमसीसीबारे भ्रम छरे

धनगढी– नेपाली कांग्रेसका वरिष्ठ नेता रामचन्द्र पौडेलले माओवादी अध्यक्ष पुष्पकमल दाहाल प्रचण्ड र नेकपा एकीकृत समाजवादीका अध्यक्ष माधवकुमार नेपालले एमसीसीबारे जनतामा भ्रम छरेको आरोप लगाएका छन्।

नेपाली कांग्रेस गण्डकी प्रदेशसमितिको कार्यालय उद्घाटन गर्दै नेता पौडेलले प्रचण्ड र नेपालका कारण एमसीसी गिजोलिएको बताए। ‘मैले गठबन्धनमै प्रचण्ड र माधवजीलाई भनेको छु। यो एमसीसी किन गिजोल्नुभयो रु जनतालाई गलत सूचना दिएर एमसीसीबारे भ्रमित पार्ने काम उहाँहरुबाटै भएको छ’, पौडेलले भने। उनले एमसीसीबारे जनतालाई कन्भिन्स गराउनुपर्ने बताए।