काँग्रेस बाजुराका निवर्तमान सभापति पण्डितद्धारा बिद्यार्थीलाई न्यानो लुगा वितरण

मानदेव रोकाया,बाजुरा– नेपाली काँग्रेस बाजुराका निबर्तमान पार्टी सभापति कबिराज पण्डितले बिद्यार्थीका लागी न्यानो लुगा वितरण गर्नुभएको छ । बडीमालिका नगरपालिका वडा नम्बर ७ का बिभिन्न बिद्यालयमा न्यानो लुगा वितरण गरीएको हो । नेपाली काँग्रेस केन्द्रीय सदस्य बिद्या तिमिल्सिना, नेपाली काँग्रेस बाजुराका निबर्तमान पार्टी सभापति कबिराज पण्डित, नेपाली काँग्रेस महाधिबेशन प्रतिनिधी तथा सुदुर पश्चिम प्रदेश कार्य समिति सदस्य धनराज पण्डित, नेपाली काँग्रेस बाजुराका जिल्ला कार्य समिति सदस्य धनलाल पाध्यायको समन्वय र काठमाण्डौंमा ब्यबसाय गर्दै आएका ब्यापारी टुप प्रशाद दाहलको सहयोगमा बिद्यार्थीका लागी न्यानो लुगा बितरण गरीएको हो । ज्ञानोदय माद्यामिक बिद्यालयका ३० जना, लक्ष्मी माद्यामिक बिद्यालयका २० जना, सरोस्वति निम्न माद्यामिक बिद्यालयका १५ जना र कालिका प्राबिका १० गरी ७५ जना गरीव तथा ज्याहान्दार बिद्यार्थीलाई न्यानो लुगा वितरण गरीएको हो । ज्ञानोदय माद्यामिक बिद्यालयका बिद्यालय ब्यवस्थापन समितिका अध्यक्ष धर्मराज पाध्यायको अध्यक्षतामा संचालन भएको कार्यक्रमको प्रमुख अतिथी ेपाली काँग्रेस बाजुराका निबर्तमान पार्टी सभापति कबिराज पण्डित रहनुभएको थियो । नेपाली काँग्रेस महाधिबेशन प्रतिनिधी तथा सुदुर पश्चिम प्रदेश कार्य समिति सदस्य धनराज पण्डित, नेपाली काँग्रेस बाजुराका जिल्ला कार्य समिति सदस्य धनलाल पाध्याय, नेपाली काँग्रेस बडीमालिका नगर कार्य समितिका उप–सभापति श्रीचन्द्र पाध्याय लगाएतको सहभागिता रहेको थियो ।