त्रिवेणी सहाकारीको ताला ४ दिनपछि खोलियो

मानदेव रोकाया,बाजुरा– बिद्युत अनियमितताको बिषयलाई लिएर लगाएको ताला चार दिन पछी खोलिएको छ । त्रिबेणी बचत तथा ऋण सहकारी संस्थाद्धारा संचालित बिद्युत नियमित नभएको भन्दै जिल्लाका नागरीक समाजले सोमबार सहकारीको भवनमा ताला लगाएका थिए ।
विद्युत प्राधिकरणले तीन महिना भित्र त्रिवेणी बचत तथा ऋण सहकारी संस्थासँगको सम्झौता रद्द गर्न तयार देखिए पछी शुक्रबार कार्यालयमा लगाइएको ताला खोलिएको हो ।
तीन महिनाभित्र सम्झौता रद्द गर्ने र त्यसका लागि त्रिवेणीले आफ्नो स्वामित्वमा रहेको विद्युतले गुणस्तरीय सेवा दिन नसकिने भएकोले फिर्ता गर्न इच्छुक रहेको पत्र पठाउनु पर्ने छ । त्यसका लागि त्रिवेणी सहकारी संस्था पनि जनताको गुणस्तरीय सेवा पाउने अधिकारका लागि सहकारी तयार रहेको बताएका छन् ।