हिमपातले उत्तरी क्षेत्रको जनजीवन कष्टकर

सिमकोट– बिहीबार बिहानदेखि हिमपात हुँदा हुम्ला उत्तरी नाम्खा गाउँपालिकाको जनजीवन प्रभावित भएको छ। नाम्खा गाउँपालिकाको लिमी, हल्जी, जाङ्, यारी, चाला र हिल्सालगायत उच्च क्षेत्रमा बाक्लो हिमपात भएको छ। हिमपातले यहाँका नागरिकलाई चिसो घरबाहिर निस्कन थप कठिनाइ बनाएको लिमीका स्थानीय पेमा लामाले बताए।

हिमपातसँगै चिसो अत्यधिक भएको लामाले बताए। गाउँमा वृद्धवृद्धासहित बालबालिकालाई बढी समस्या बनाएको हो। हिमपातले सदरमुकाम सिमकोटमा चिसो अत्याधिक बढेको छ।