४ बुदे माग सहित क्याम्पस प्रमुखलाई नेबिसंघको ज्ञापनपत्र

बाजुरा– नेपाल बिद्यार्थीसंघ बाजुरा क्याम्पस इकाई समितिले बाजुरा क्याम्पसका क्याम्पस प्रमुखलाई ४ बुदे माग सहित ज्ञापनपत्र बुझाएको छ । शैक्षिक संस्थामा भएको एकलौटी, बारम्बार भन्दा पनि कुनै कुराको कार्यनयन नगरेको भन्दै नेपाल बिद्यार्थीसंघ इकाई समिति बाजुरा क्याम्पसले ज्ञापनपत्र बुझाएको नेबिसंघका नेता बिशाल रोकायाले बताए । क्याम्पसमा भएको बिद्यार्थी संगठनलाई हेर्ने दृष्टिकोणमा सम्मान नभए नेबसिंघ बाजुरा क्याम्पस इकाई समितीलाई सह्य नहुने नेता रोकायाले बताए ।
क्याम्पसबाट वितरण गरीने छात्रवृतिको बिवरण तत्काल सार्बजनीक गरीयोस्, क्याम्पसले लिने शैक्षिक शुल्क बिश्व बिद्यालयबाट प्रत्यक सेमेस्टर को ४२०० रहेकोमा ७५०० लग्ने गरेको हुदा उक्त शुल्क तत्काल घटाईयोस्, क्यामपस प्रशासनले बिद्यार्थी संगठनलाई हेर्ने दृष्टिकोण समान गरीयोस् र बिषयगत उप—प्राध्यापकको ब्यवस्था र नियमित कक्षा संचालन गरीयोस् भनी ४ बुदे माग सहित क्याम्पस प्रमुखलाई ज्ञापनपत्र बुझाएका छन् ।
ज्ञापन पत्र बुझ्दै क्याम्पस प्रमुख सुरेश प्रशाद पण्डितले क्याम्पसको हाताभित्र भएका गल्ती सुधार गर्दै जाने र सबै स्टाफलाई आफु बाट कुनै कमजोरी गर्ने नदिने बताए । सबै संग छलफल गरेर नेबिसंघले बुझाएको ज्ञापनपत्रका बिषयमा सुमेत छलफल गरेर नेबिसंघले गरेका माग पुरा गर्ने बताए । क्याम्पस प्रमुख पण्डितले भने क्याम्पसमा एकलौटी नगरेको राजनीतिक रुपमा कसै बिद्यार्थीलाई नहेरी आफ्नो बिद्यार्थीको रुपमा मात्रै हेर्ने गरेको बताए । ज्ञापनपत्र बुझाउन नेपाल बिद्यार्थीसंघ बाजुरा क्याम्पसका इकाई सभापति अनिल बहादुर सिंह, नेबिसंघका नेताहरु कमल विक, बिशाल रोकाया लगायतको उपस्थिति रहेको थियो ।