एमाले बाजुरा अधिबेशनः सहमति पनि भएन चुनावी प्रक्रियामा पनि गएन्

बाजुरा: नेकपा एमाले बाजुराको सातौं जिल्ला अधिबेशन सुरु भएको चार दिन बितेको छ । एमाले बाजुराको सातौ जिल्ला अधिबेशन सुरु भएको चार दिन बितिसक्दा समेत अहिलेसम्म नत सहमति हुन सकेको छ, नत निर्वाचन प्रक्रिया अघाढी बढेको छ । नेताहरु छलफलमा ब्यस्त छन् । सहमती हुने भनिएको छ तर अहिलेसम्म छलफल भने नसकिएको जिल्ला प्रतिनिधीहरु बताउछन् । नेकपा एमाले बाजुराको अध्यक्षका लागी चार जनाले चाँसो देखाए पछि नेतृत्वलाई जिल्ला अधिबेशबाट नयाँ नेतृत्व ल्याउन सकस परेको छ ।
शाही नेकपा एमालेका केन्द्रीय सदस्य लालबहादुर थापा निकटका हुन् भने ओलि नेकपा एमाले स्थाइ कमिटी सदस्य कर्णबहादुर थापा निकट छन् ।
नेकपा एमाले बाजुरा जिल्ला कमिटी अध्यक्ष कालि बहादुर शाही पुन जिल्ला अध्यक्षको तयारीमा लागेपछि जिल्ला अध्यक्ष कसलाई बनाउने भन्ने विषयमा थप लम्बीएको छ । त्यस्तै नेकपा एमालेका नेता लाल बहादुर ओली, भरत थापा र भरत बुढाले जिल्ला अध्यक्ष हुने साँचो राखेका छन् । चार जनामा बलिया उम्मेद्वारका रुपमा भने कालिबहादुर शाही र लालबहादुर ओलि रहेको देखिन्छ ।
अधिबेशनबाट नयाँ नेतृत्व चयन गर्नुपर्ने भएकोले बिभिन्न ठाउँमा सहमतीका लागि नेताहरु जुटिरहेकाले जिल्लाको नेतृत्व ल्याउन समय लामो हुन सक्ने एमालेका एक जिल्ला प्रतिनिधिले बताएका छन् । नेकपा एमाले बाजुरामा दुई ओटा टिमलाई मिलाउन केन्द्रीय नेताहरुले सहमतीको लागी जिल्ला स्तरका नेता तथा आकाङ्कक्षीहरुलाई मिलाउन लागी परेका छन् ।