नेकपा एमालेको सातौं जिल्ला अधिबेशन मार्तडीमा सुरु

बाजुरा– नेकपा एमालेको सातौ जिल्ला अधिबेशन शुक्रबार देखी मार्तडीमा सुरु भएको छ । नेकपा एमालेको दशौं केन्द्रीय महाधिबेशन सम्मपन्न पछि अहिले जिल्ला अधिबेशन सुरु भएका छन् । नेकपा एमालेले नयाँ नेतृत्व ल्याउने उद्देश्य सहित शुक्रबारबाट एमालेको सातौं जिल्ला अधिबेशन सुरु भएको छ । नेकपा एमाले बाजुराका जिल्ला कमिटी अध्यक्ष कालिबहादुर शाहीको अध्यक्षतामा संचालन भएको कार्यक्रमको प्रमुख अतिथी नेकपा एमालेका पोलिट ब्यूरो सदस्य तथा सुदुर पच्शिम प्रदेशका सह–संयोजक कर्णबहादुर थापा रहनुभएको थियो । नेकपा एमालेका केन्द्रीय सदस्य तथा प्रतिनिधी सभा सांंसद लाबहादुर थापा, नेकपा एमालेका केन्द्रीय सदस्यहरु प्रकाशबहादुर शाह, सहदेब बोगटी, दयालबहादुर शाही, नेकपा एमाले केन्द्रीय लेखा आयोग सदस्य बसुन्धरा रोकाया नेपाली काँग्रेस बाजुराका पार्टी सभापती रामसिंह रावल बिषिष्ट अतिथी रहनुभएको थियो ।