प्रेस चौतारी नेपाल बाजुराको पाँचौं जिल्ला अधिबेशन सुरु

बाजुरा– प्रेस चौतारी नेपाल बाजुराको पाँचौं जिल्ला अधिबेशन मार्तडीमा बिहिबार बाट सुरु भएको छ ।
नेकपा एमाले निकट पत्रकारहरुको संगठन प्रेस चौतारी नेपाल जिल्ला शाखा बाजुराको पाँचौ जिल्ला अधिवेशनको उद्घाटन सत्र सकिएको प्रेस चौतारी नेपाल जिल्ला शाखा बाजुराका सह–संयोजक रमित विकले बताएका छन् ।
बडीमालिका नगरपालिकाको सभाहलमा संचालन भएको पाँचौंं जिल्ला अधिवेशनको उद्घाटन नेकपा एमाले स्थायी कमिटी सदस्य तथा नेकपा एमाले सुदुर पच्शिम प्रदेश सह–संयोजक कर्णबहादुर थापाले गर्नुभएको छ । अधिवेशनमा नेकपा एमाले बाजुरा जिल्ला इन्चार्ज तथा मा. साँसद लालबहादुर थापा, नेकपा एमालेका केन्द्रीय सदस्य तथा पुर्ब मन्त्री प्रकाश बशहादुर शाह, नेकपा एमालेका केन्द्रीय सदस्य सहदेव बोगटी, नेपाली काँग्रेस बाजुराका उप–सभापती तथा बडीमालिका नगरपालिकाका नगर प्रमुख पदम बडुवाल विशिष्ट अतिथि रहनुभएको थियो । प्रेस चौतारी नेपाल बाजुराका संयोजक नन्दा थापाको अध्यक्षतामा संचालन भएको अधिबेशनको स्वागत मन्तब्य प्रेस चौतारी नेपाल बाजुराका निबर्तमान सचिव लक्ष्मीराज पाध्याले राख्नुभएको थियो भने कार्यक्रमको संचालन प्रेस चौतारी नेपाल बाजुराका सह–संयोजक रमित विकले गर्नुभएको थियो ।