बाजुरामा भुवा पर्वको रौनक

बाजुरा– जिल्लाका ९ वटै स्थानिय तहका विभिन्न स्थानमा आइतबारवाट भुवा पर्व सुरु भएको छ । प्रत्येक वर्ष पुषे औसीको अघिल्लो दिन देखि भुवा पर्व मनाइने गरिन्छ ।
बुढीगंगाको ताप्रा बडिमालिका–७ का जिल्ली,रजातोली,ढम्केन,बडिमालिका–३ को रजाली, लगाएतका जिल्लाका ९ वटै स्थानीय तहमा विशेष गरि भुवा पर्व मनाईदै आएको छ ।

अयोध्याका राजा राम र रावणको लडाइपछि राजा रामको विजय प्राप्त गरेको पौराणिक भनाई अनुसार पुषे औसीको अघिल्लो रात राका सल्काएर मुढा बाल्ने गरिन्छ ।
बाजुरा लगाएतका सुदूरपश्चिमका जिल्लामा आइतबार बाट विधिवत रुपमा भुवा पर्व सुरु भएको छ ।
जिल्लाका प्रत्येक स्थानीय तहमा मनाइने भुवा पर्वमा कतिपय ठाउँमा देउडा लगाउने, हरिनु हाल्ने,चावानिया खल्ने लगाएतका परम्परागत क्रियाकलाप गरेर भुवा पर्वको समापन गरिदै आएको स्थानीयहरुले बताए ।

स्थानीयका अनुसार सो पर्वलाई हर्स उल्लासका साथ मनाएने गरिन्छ । उक्त पर्वमा टाढा वाट आफन्तहरु आउने र घरायसी भेटघाट हुने भएको उक्त पर्वलाई दशैँ पछिको दोस्रो ठुलो पर्वका रुपमा मनाइने गरिएको स्थानीले बताए ।