लोडसेडिङ घटाउन सकिने अवस्था छैन्– अध्यक्ष रावल

बाजुरा– जिल्लाको सदरमुकाम मार्तडीमा हुदै आईरहेको लोडसेडिङ घटाउन सकिने अवस्था कम रहेको त्रिबेणी बचत तथा ऋण सहकारी संस्थाका अध्यक्ष अशोक रावलले बताए । बिद्युतको मेसिनको क्षमता कम भएको तर ग्राहकको संख्यामा बृदि र चिसो सिजनमा बढी बिद्युतको खपत हुने भएकाले लोडसेडिङ बढेको अध्यक्ष रावलको भनाई छ ।
अहिले जिल्लामा बढ्दै गएको लोडसेडिङ तालिका समेत एसएमएस बाट उपलब्ध गराईने भएको छ । त्रिबेणी बचत तथा ऋण सहकारी संस्था लिमिटेडद्धारा संचालित बाजुरा साना जलबिद्युतका ग्राहकहरुलाई अबदेखी लोडसेडिङ तालिका मोबाईल नम्मरमा एसएमएस बाट उपलब्ध गराउने भएको छ ।
सदरमुकाम मार्तडीमा त्रिबेणी बचत तथा ऋण सहकारी संस्था लिमिटेड बाजुराले पत्रकार सम्मेलन गर्दै उक्त कुराको जानकारी गराएको हो । सदरमुकाम मार्तडीमा दैनिक ४ घण्टा लोडसेडिङको मारमा परेका नागरिकले सहि तरिकाबाट लोडसेडिङ तालिका नपाउने भएकाले प्रत्यक ग्राहकको मोबाइलमै म्यासेज गरी दैनिक तालिका उपलब्ध गराउने त्रिबेणी बचत तथा ऋण सहकारी संस्थाका संचालक समितिका अध्यक्ष अशोक रावलले बताए ।
सदरमुकाममा मात्रै १ हजार किलोवाट बिधुतको आबस्यक रहेको र हाल संचालनमा रहेको बिद्युतको क्षेमता २ सय किलो वाट मात्रै भएकोले लोडसेडिङ गर्नुपर्ने बाध्यता रहेको अध्यक्ष रावलले पत्रकार सम्मेलन मार्फत बताएका हुन् ।
२०६६ सालमा नेपाल सरकार बाट लिजमा लिएको बिधुत जिण बन्दै गएकोले सो बिधुतमा लगानी गर्न पनि नसकिने अबस्थामा आएको उनले बताए । हाल बाजुरा साना जलबिधुत केन्द्रका २ हजार १ सय ७४ ग्रहाक रहेका छन् । जसमा २ हजार ९ ग्राहस्त, ९९ कार्यालय ३२ उद्योेग,२० ब्यापार र ८ जना अस्थाई ग्राहक रहेको बताए ।
कुल उतपादन २ सय किलोवाट रहेको भए पनि तत्कालिन बिद्रोहमा रहेको माओबादीले पावर हाउसमा बम हानेर एक मेशिन धोस्त भएकोले हाल एकै मेशिन चलाउदै आएको सो सहकारीका निमित्त ब्यबस्थापक गगन ऐडीले बताए ।
नेपाल बिद्युत प्राधिकरणको राष्ट्रिय प्रशारणको लाईन समेत जोडेर भए पनि ग्रहाकलाई दिने भनिए पनि प्राधिकरणले लाइन बिस्तारमा ढिलाई गरेकोले पनि प्रयाप्त मात्रामा ग्राहकलाई बिधुत सेवा दिन नसकेको संचालक समितिका सचिव शेर बहादुर रावले बताए । राष्ट्रिय प्रशारणको लाईन बिस्तारमा त्रिबेणी बचत तथा ऋण सहकारी संस्था बाधक नभएको समेत सचिव रावलले बताएका छन ।