किशोरी वृत समिति द्धारा गर्छन , हरेक क्रियाकलाप किशोरीहरु

जयबहादुर रावत / बाजुरा: जिल्लामा संचालित गैर सरकारी संस्थाहरु मध्य गुड नेवर्स इन्टरनेशनल पनि एक प्रमुख संस्था हो । गुड नेवर्स इन्टरनेशनल बाजुरा र पीसविन बाजुराको साझेदारीसँगै कोइकाको आर्थिक तथा प्राविधीक सहयोगमा जिल्लामा थुपै कार्यक्रमहरु गर्ने गरेको पाइन्छ । जिल्लाका पाँच वटा पालिकामा लागु भएको गुड नेवर्स इन्टरनेशनल बाजुराले महिनावारी स्वच्छता सम्बन्धी र अन्य सरसफाई सम्बन्धी विभिन्न कार्यहरु गरेको पाइएको छ । यसै क्रममा त्रिवेणी नगरपालिकाकोे वडा नं.३ पुर्भुतामा रहेको धौलपुरी माध्यामिक विद्यालयमा पनि गुड नेवर्स इन्टरनेशनल बाजुरा र पीसविन बाजुराको साझेदारीसँगै कोइकाको आर्थिक तथा प्राविधीक सहयोगमा थुपै कार्यक्रमहरु गरेको पाइन्छ ।
यस विद्यालयमा महिनावारी स्वच्छता व्यवस्थापन मार्फत किशोरीहरुको स्वास्थ्य र अधिकारमा सुधार परियोजना अन्तरगत गरीएका विभिन्न कार्यक्रमले ठूलो प्रभाव पारेको पार्ईएको छ । कार्यक्रम लागु भएको हरेक विद्यालय झै यस विद्यालयमा किशोरीहरुमा निकै परिर्वतन आएको पाइन्छ । विद्यालयमा रहेका गरिव एक सय पैसठ्ठी जना किशोरीहरुले आफ्नो छुट्टै एक किशोरी बृत समिति निर्माण गरि यसै समिति मार्फत हरेक क्रियाकपाल गर्ने गरेको पाइएको छ । विद्यालयमा कक्षा ९ र १० मा अध्ययन गर्ने किशोरीहरुको मुख्य नेतृत्व रहने गरी १७ जना पदाधीकारी रहने गरी किशोरी बृत समिति गठन गरिएको पाइन्छ । विद्यालयमा हुने हरेक क्रियाकलाप तथा किशोरी सम्बन्धीका सबै क्रियाकलापहरु यसै समिति मार्फत गरिने गरेको सोही समितिकी अध्यक्ष शुस्मा कुमारी साउँदले बताएकी छन ।विद्यालयमा गरिने दैनिक सरसफाइ अन्य छात्रा शैचालय सरसफाई , सरसफाई सामग्री माग , सेनेटरी प्याड माग तथा महिनावारी स्वच्छता व्यवस्थापन मार्फत किशोरीहरुको स्वास्थ्य र अधिकारमा सुधार परियोजना अन्तरगत सहयोग भएका विभिन्न सामग्रीहरुको प्रयोग तथा व्यवस्थापन यसै किशोरी बृत समिति द्धारा गर्ने गरेको समितिकी अध्यक्ष साउँदले बताएकी छन । यसै समिति द्धारा किशोरीहरुलाई महिनावारी र महिनावारीको समयमा गरिने सरसफाईको बारेमा छलफल तथा अन्तरक्रिया कार्यक्रम समेत गर्ने गरेको पाइन्छ । महिनावारीको समयमा किशोरीहरुमा आउने विभिन्न स्वास्थ्य समस्याहरुलाई समाधान गर्न यो समितिले निकै भुमिका निर्वाह गरेको पाइन्छ । छात्रा शैचालय सरसफाई , सेनेटरी प्याडको प्र्रयोग ,स्यानिटरी न्यापकिन भेन्डिङ्ग मेसिनको प्रयोग लगायतका विभिन्न क्रियाकलापहरु समिति मार्फत गरिने गरेको पाइन्छ ।
जिल्लाका तीन पालिकामा एकै पटक गरिएका अन्तरक्रिया कार्यक्रम तथा सहयोगको प्रत्येक्ष अनुगमनबाट सो कुराको पनि मुल्याङ्कन गरिएको गुड नेवर्स इन्टरनेशनल बाजुराका परियोजना संयोजक देवेन्द्र शाहले बताएका छन । गत हप्ताको बुधबार जिल्लामा परियोजना लागु भएका पाँच पालिका मध्य तीन पालिकामा महिनावारी स्वच्छता परियोजना कार्यक्रमको विभिन्न संचार माध्यमहरुमा कार्यरत संचारकर्मीद्वारा एक दिने अन्तरक्रिया कार्यक्रमसँगै अनुगमन गरिएको थियो ।
उक्त परियोजना जिल्लाको खप्तड छेडेदह गाँउपालिका, बुढिगंगा नगरपालिका, त्रिवेणी नगरपालिका, बडीमालिका नगरपालिका, गौमल गाँउपालिका गरी पाँच पालिकामा लागु भएको परियोजना संयोजक शाहले बताएका छन । बुधवार गुड नेवर्स इन्टरनेशनलमा कार्यरत कर्मचारीहरु र संचारकर्मिहरुको टोली छुट्टा छुट्टै तीन वटा पालिकाको सम्बन्धीत ठाउँमा गई महिनावारी स्वच्छता बारे अन्तरक्रिया गरिएको हो । परियोजनाले सहयोग गरेका चार वटा विद्यालयमा गई सो ठाउँमा सहयोग सामग्रीको प्रयोग तथा किशोरा अवस्था समुहकी किशोरीहरुसंग खुला अन्तरक्रिया गरिएको थियो ।
गत साताको बुधबार गरिएको अनुगमनमा सबै ठाउँबाट यस परियोजनालाइ विशेष धन्यवाद तथा थप सहयोगको पेक्षा व्यक्त गरेको पाइन्छ । गुड नेवर्स इन्टरनेशनल बाजुराका कार्यरत कर्मचारी , स्वास्थ्य कार्यालय प्रमुख , शिक्षा इकाइ प्रमुख , अन्य कार्यालयका कर्मचारी तथा विभिन्न मिडियाका संचारकर्मीका सहभागीतामा सो अनुगनम तथा अन्तरक्रिया कार्यक्रम सम्पन्न भएको थियोे ।