बडीमालिका नगरस्तरिय कर्मचारी युनियन गठन

बाजुरा :- नेपाल निजामती कर्मचारी युनियनको नगरपालिका स्तरिय समिति गठन भएको छ । नगरपालिकाको सभाहलमा जिल्ला कार्यसमितिका उपाध्यक्ष मनिराम खत्रीको अध्यक्षतामा सन्चालित प्रथम नगर अधिवेशनबाट विवेक शाहको नेतृत्वमा १३ सदस्यीय कार्यसमिति गठन भएको छ ।

समितिको उपाध्यक्षमा छक्क साउद (खुला) र रोशन चौधरी (समावेशी) निर्वाचित हुनु भएको छ भने सचिवमा दिलिप कुमार थापा निर्वाचित भएका छन् । त्यस्तै कोषाध्यक्षमा ईश्वरा कुमारी कार्की, सदस्यमा प्रकाश बहादुर थापा, पुरन चदारा, सरिता कुमारी ठकुल्ला, गंगा थापा, रमेश बहादुर थापा र सुर्य बहादुर बडुलाल निर्वाचित हुनु भएको छ । युनियनको विधान अनुसार २ जना अध्यक्षबाट मनोनित हुने व्यवस्था रहेकोले सोहि अमुसार कार्यसमितिको पूर्णता दिइने नवनिर्वाचित अध्यक्ष विवेक शाहले जानकारी दिनु भयो ।

नेपाली कांग्रेस बडीमालिका नगर कार्यसमिति सभापति गोपाल कार्की प्रमुख अतिथि रहेको कार्यक्रममा बडीमालिका नगरपालिका कार्यबाहक नगर प्रमुख राम बहादुर कार्की विशिष्ट अतिथि रहनु भएको थियो । कार्यक्रममा नगरपालिकामा कार्यरत यूनियनमा आवद्व कर्मचारीहरूको उपस्थिति रहेको थियो भने कार्यक्रम सन्चालन टीका प्रसाद उपाध्यायले गर्नु भएको थियो ।