एमाले दशौं महाधिवेशनका लागि बाजुराबाट प्रतिनिधी छनोट टुङ्गियो सूची सहित

बाजुरा– नेकपा एमालेको दशौं महाधिवेशनका लागि बाजुराबाट प्रतिनिधी छनोटको टुङ्गो लागेको छ ।
देशभरीका सबै जिल्लाबाट २७ गते जिल्ला प्रतिनिधीहरुको नामावली पठाई सक्नु पर्ने भएपनि बाजुरामा भने आज नाम टुङ्गो लागेको हो ।
महाधिवेशन प्रतिनिधीहरुका लागि आकांक्षी धेरै भएका कारण सहमतीको गर्न थालिएकाले सोमबार प्रतिनिधीहरुको टुङ्गो लागेको एमाले निर्वाचन समितिका प्रमुख निर्वाचन अधिकृत तुलाबहादुर थापाले बताएका छन् ।
उनका अनुसार पार्टीका जिल्ला इन्चार्ज लालबहादुर थापा र अन्य जिल्लाका शिर्ष नेताहरुसंगको सहमतीको छलफलपछि महाधिवेशन प्रतिनिधी छनोट गरिएको बताए ।
जिल्लाबाट खुलातर्फ ११ जना,दलित तर्फ तीन जना,दलित महिला २ जना र महिला खुला तर्फ ४ जनाको नाम प्रतिनिधीमा छनोट गरिएको प्रमुख निर्वाचन अधिकृत थापाले बताए ।
जिल्लाबाट महाधिवेनमा सहभागी हुन खुलामा रङ्गमान शाही, अजबहादुर मल्ल,सहदेव बोगटी,कालीबहादुर शाही,भरतबहादुर बुढा र भरतबहादुर थापा रहेका छन् ।
यस्तै जनकुमार बोहरा,अमरबहादुर खड्का,हरिबहादुर रोकाया,मनलाल खत्री र बल्देव रेग्मी महाधिवेशन प्रतिनिधीमा छनोट भएका छन् ।
त्यसैगरी दलित तर्फ काँसीबहादुर वि क ,पदम नेपाली र मनलाल ढोलीको नाम छनोट गरिएको छ ।
दलित महिलामा राजकला सार्की,दलित÷जनजातीमा बसन्ती गुरुङ्ग रहेका छन् । भने खुला महिलामा बसुन्धरा रोकाया,मनदेवी ओली,माया कुँवर र ऐना गिरीलाई सर्वसम्मत रुपमा महाधिवेशन प्रतिनिधीमा चयन गरिएको नेकपा एमाले बाजुराले जनाएको छ ।
दशौं महाधिवेशन प्रतिनिधी चयनपछि आजै घोषणा गर्ने एमाले बाजुरा सनिर्वाचन समितिले जनाएको छ ।
महाधिवेशनमा लागि एमाले नेता लालबहादुर ओलीको नाम भने समावेश गरिएको छैन । ओली एमालेबाट खप्तड छेडेदह गाउँपालिकाको स्थानीय तहको निर्वाचनको अध्यक्षको उम्मेदवारबाट पराजित भएका हुन् । राजनितिमा सक्रिय नेताका रुपमा रहेका ओली भने दशौं राष्ट्रिय महाधिवेशनमा सहभागी हुन नपाउने भएका छन् ।
महाधिवेशन प्रतिनिधी चयनमा जिल्लाका एमाले निकट कार्यकर्ता असन्तुष्ट देखिएका छन् । आफु निकटका कार्यकर्ताहरुलाई महाधिवेशन प्रनिधिनी छनोट गरेको प्रति कतिपय नेता तथा कार्यकर्ताले असन्तुष्ट जनाएको बताइएको छ ।