काँग्रेस बाजुराले टोलदेखि जिल्लास्तरसम्म प्रशिक्षण गर्ने

बाजुरा– नेपाली काँग्रेस बाजुराको नियमित दोस्रो बैैठक बिहीबार सकिएको छ । बुधबारबाट बसेको जिल्ला कार्य समितिको बैठकले १३ वटा निर्णय पारित गर्दै बैठक सकिएको नेपाली काँग्रेस बाजुराका सभापति रामसिंह रावलले बताएका छन् ।
बिहीबार सकिएको बैठकले बाढी र पहिराबाट प्रभावित भएकाहरुको सत्य तथ्य विवरण संकलन गरी विवरण जिल्लामा बुझाउन गाउँ समितिलाई निर्देशन दिएको छ ।
यस्तै पार्टीको बैठकले वार्षिक कार्य योजना बनाएको छ । वार्षिक कार्य योजनामा जिल्ला स्तरमा पार्टीले गर्ने गतिविधी,विधान लगायतका विषयमा प्रशिक्षण र प्रचार प्रसार र जनसमन्वय गर्ने गरी वाािर्षक कार्य योजनामा समावेश गरिएको नेपाली काँग्रेस बाजुराका सचिव तिलकराज पुरीले जानकारी दिएका छन् ।
उनले दिएको जानकारी अनुसार पार्टीले टोल,गाउँ,पालिका,प्रदेश र जिल्ला स्तरमा विधान बमोपनक गर्नुपर्ने नियमित कार्यलाई तिव्रता दिने कार्य योजनामा समावेश गरिएको बताए ।
वार्षिक कार्य योजनामा पार्टीका संस्थापक नेता विपी कोइराला,गणेशमान सिंह,सुर्वण शमशेर,कृष्णप्रसाद भट्टराई,गिरिजा प्रसाद कोइराला र शुसिल कोइराला लगायत नेताको स्मृति दिवस मनाउने पनि निर्णयमा उल्लेख गरिएको सचिव पुरीले बताएका छन् ।
बैठकले पार्टीका पुर्व सभापति तथा संविधान सभाका सदस्य देवराज जोशीलाई सुदूरपश्चिम प्रदेशको प्रदेश प्रमुख र काँग्रेस बाजुराका नेता तथा नेपाल बार एसोसियसनका पुर्व केन्द्रीय महासचिव खम्मबहादुर खातीलाई सरकारको महान्याधिवक्तामा नियुक्त गरेकोमा प्रधानमन्त्री तथा पाटी सभापति शेरबहादुर देउवालाई धन्यवाद तथा नियुक्त भएका जोशी र खातीलाई बधाई ज्ञापन गर्ने निर्णय गरेको सचिव पुरीको भनाई रहेको छ ।
यस्तै बैठकले ३२ सदस्यीय कार्य सम्पादन समिति बनाएको छ । पार्टीले गर्ने काम कर्तव्यको सम्पादन गर्ने गरी ३२ सदस्यीय समिति बनाएको सचिव पुरी बताउँछन् ।
पार्टी सभापति रामसिंह रावलको अध्यक्षतामा संचालन भएको बैठक विपी स्मृति भवन पार्टी कार्यालयमा बसेको हो । बैठकमा जिल्ला कार्य समितिका पदाधिकारीहरुको उपस्थित रहेका थिए ।