सुदूरपश्चिमको प्रदेश प्रमुखमा सिफारिस भएका जोशी को हुन्

बाजुरा– सरकारले तीन प्रदेशमा नयाँ प्रदेश प्रमुख नियुक्त गर्ने निर्णय गरेको छ। सोमबार बसेको मन्त्रिपरिषद् बैठकले सुदूरपश्चिम, कर्णाली र प्रदेश नं १ मा प्रदेश प्रमुख नियुक्त गर्ने निर्णय गरेको हो।
प्रधानमन्त्री शेरबहादुर देउवाको सचिवालयका अनुसार सुदूरपश्चिममा देवराज जोशीलाइ सिफारिस गर्ने निर्णय गरिएको छ। अहिले सुदूरपश्चिममा गंगाप्रसाद यादव प्रदेश प्रमुख छन्। उनीहरुलाई बर्खास्त गरेर नयाँ प्रदेश प्रमुख नियुक्त गर्न सरकारले सिफारिस गरेको हो। सुदूरपश्चिम प्रदेश प्रमुख नियुक्त भएका जोशी नेपाली कांग्रेस बाजुराका पूर्व पार्टी सभापति हुन्।

शिक्षक पेशाबाट राजनीतिमा आएका जोशी २०४८ सालको आमनिर्वाचनमा सबैभन्दा कम उमेरका बिजय भएका थिए। उनी संविधानसभा सदस्यसमेत हुन्।