अनेरास्ववियु बाजुराका युवा नेता नेपाली काँग्रेसमा प्रवेश

मानबहादुर ऐडी,
बाजुरा– नेकपा एमालेको भातृ संगठन अनेरास्ववियु बाजुराका सक्रिय युवा नेता गोविन्द्र रावत नेकपा एमाले परित्याग गरि नेपाली कांग्रेसमा प्रवेश गरेका छन् । जिल्लाको खप्तड छेडेदह गाँउपालिका वडा नम्मर ७ लमगाँउ घर भएका गोविन्द्र रावत विगत लामो समय देखी नेकपा एमालको भातृ संगठन अनेरास्ववियुुका सक्रिय युवा नेताका रुपमा परिचित थिए ।
नेकपा एमालेको ज्याजती व्यथिती र अहिले नेकपा एमालेले गरिरहेका कार्यशैली तथा दुई तिहाईको समेत सम्मान नगरी आफ्नै पार्टी भित्रका नेता तथा कार्यक्रता संगको बिबादले अन्तत पार्टी पुटेर गएको सरकारमा हुदा जनताको लागी केही पनी काम नगरेका देखेर आफुले नेपाली काँग्रेस रोजेको रावतको भनाई रहेको छ ।
नेपाली कांग्रेसको १४ औँ केन्द्रिय महाधिवेशन तथा सातौ जिल्ला अधिवेशन नजिकी रहेका वेला नेकपा परित्याग गरी कांग्रेसमा प्रवेश गर्नेको ओइरो लाग्ने निच्शित देखिएको छ
। आइबार बाजुरा जिल्लाको प्रदेश निर्वाचन क्षेत्र नं ‘ख’ को बैठकमा नेकपा परित्याग गरी नेपाली कांग्रेसमा प्रवेश गरेको नेपाली कांग्रेसका संगठन विभाग प्रमुख धनराज पण्डितले बताए । गोविन्द्र रावतलाई नेपाली कांग्रेसमा स्वागत गर्दै नेपाली कांग्रेसका तत्कालिन संविधान सभा सदस्य देवराज जोशी र सविधान सभा सदस्य महा नेपाली , महासमिति सदस्य पदमबहादुर शाही, जुना दानी लगाएत नेपाली कांग्रेसका नेता तथा कार्यकताहरुले दोसल्ला सहित अविर लगाएर स्वागत गरेका छन् । नवप्रवेशी गोविन्द्र रावतले आज देखी नेपाली कांग्रेसको सक्रिय कार्यकता भएर लाग्ने प्रतिवद्धता जायर गरेका छन् ।